ခြေကျွံသွားလို့ ငါ့ဟာနဲ့ ငါ
ဇယားတွေကိုရှုပ်လို့ ....
အလင်းရောင်တွေ့မှ လန့် နိုးလာခဲ့တာ
ဗလာဖြစ်နေတဲ့ငါ့ရင်ထဲက သိမှတ်ပြုပုံလေးက
ဒါမနက်ခင်းတဲ့လား ........
ကျိန်စာတော့မဟုတ်လောက်ဘူးထင်ရဲ့
ငါ့ မနက်ခင်းတိုင်း လမသာခဲ့တာ
ဟော ..... ဟိုကအရောင်မစုံတဲ့
ကြယ်တွေတောင် နေရာပေးမယ့် ကောင်းကင်ရှိတယ် ...
ကြွေကျနေတဲ့ သစ်ရွက်တွေရဲ့
ဒိုင်ယာယီကို သူ့သစ်ပင်အိုကတော့
မသိရှာပါဘူး ....
မျက်ရည်တွေနဲ့ မျက်နှာသစ်နေတာကို
ဒါ ... သူသောက်ဖို့ရေလားတဲ့ .....
မသဲလှတဲ့ မိုးအတွက်
လွန်ဆွဲပွဲတွေ မဆက်သချင်ဘူး
ဒါဟာ .... ကံတရားတစ်ခုဆို
မိုးရွာတိုင်း ငါထီးယူဖြစ်မှာမဟုတ်တော့ဘူး ....
ရော့ .... မင်းအတွက် မနက်စာတဲ့
အလွမ်းတွေပဲ ဖိကျွေးနေတာ
သိပ်လဲမခါးသလို မမြိန်လှပါဘူး...
မနက်ခင်းတစ်ခုကို ငါဒီလိုပဲဖြတ်နေကျပါ
အချိန်ကတော့ သူဟာသူ အလုပ်လုပ်နေပါရဲ့
ငါ ဘာမှ ပြန်မပြောလိုက်မိဘူး
ဟုတ်တယ်လေ ......
နေ့တစ်ခုရဲ့ မနက်ခင်းမှာ
အချစ်အတွက်နိုးလာသူက ငါပဲ ဟာ ......
ဆုလေးနွယ်
0 comments:
Post a Comment