လူတိုင်းအတွက် မျှတတဲ့ အစားအသောက်ကို နေ့စဉ် စားသောက်ဖို့ အရေးကြီးပါတယ်။ ဒါကြောင့် သက်သတ်လွတ် အစားအသောက်တွေကို စားသောက်နေချိန်မှာ အာဟာရပြည့်ပြည့်ဝဝ ရရှိစေဖို့ လိုက်နာသင့်တဲ့ နည်းလမ်းတွေကို မျှဝေလိုက်ရပါတယ်။
အစိမ်းစားပါ
သက်သတ်လွတ် စားမယ်ဆိုရင် ဟင်းသီးဟင်းရွက်၊ သစ်သီးဝလံ၊ အခွံမာတဲ့ အစေ့အဆန်နဲ့ ပဲအမျိုးမျိုးတွေ ပါဝင်သင့်ပါတယ်။ ဒီအရာတွေ အားလုံးပါဝင်တဲ့ အစာကို စားပေးမှ အာဟာရဓာတ် အလုံအလောက် ရရှိမှာပါ။ ဒီတော့ ဟင်းသီးဟင်းရွက်ကို အစိမ်းလိုက် ရေစင်အောင် ဆေးကြောပြီး သုပ်စားပါ။ အပေါ်ကနေ အခွံမာတဲ့ အစေ့အဆန် ဒါမှမဟုတ် ပဲတစ်မျိုးမျိုးကို ဖြူးပြီး စားသင့်ပါတယ်။ အခွံမာသီးနဲ့ ပဲကို ထည့်စားတာကြောင့် ပရိုတင်းဓာတ်ကို ရရှိစေပါတယ်။
အရောင်စုံစားပါ
ဟင်းသီးဟင်းရွက်မှာ ရှိတဲ့ အရောင်တိုင်း၊ အရောင်တိုင်းက သီးခြားအာဟာရတန်ဖိုးတွေ ရှိကြပါတယ်။ ဒါပေမဲ့ အာဟာရတန်ဖိုး အနည်းအများနဲ့ အထူးပါဝင်တဲ့ အာဟာရဓာတ်တွေကတော့ ကွာခြားမှု ရှိပါလိမ့်မယ်။ ဒါကြောင့် သက်သတ်လွတ်စားချိန်မှာ အရောင်စုံ ဟင်းသီးဟင်းရွက်တွေကို စားပေးရင် အာဟာရဓာတ် အစုံအလင် ရရှိစေပါတယ်။
စွပ်ပြုတ် လုပ်ပြီး သောက်ပါ
တစ်ပတ်မှာ အနည်းဆုံး တစ်ကြိမ်၊ နှစ်ကြိမ် စွပ်ပြုတ် သောက်သင့်ပါတယ်။ ပရိုတင်းဓာတ် ရရှိစေဖို့ ပဲစွပ်ပြုတ် လုပ်တဲ့အခါ ဟင်းသီးဟင်းရွက်တွေကို ထည့်ချက်ပါ။ ရိုးစင်းလွယ်ကူပေမယ့် အာဟာရဓာတ် အပြည့်အဝ ရရှိစေပါတယ်။
အေးခဲသည့် နည်းဖြင့် စားပါ
တချို့ သစ်သီးဝလံတွေကို ရေခဲသေတ္တာထဲမှာ အေးခဲအောင် ထည့်ပြီးစားရင် ပိုအရသာ ရှိသလို အာဟာရ ပိုရှိပါတယ်။
ဖျော်ရည် ဖျော်သောက်ပါ
သစ်သီးနဲ့ ဟင်းသီးဟင်းရွက်တွေကို ဖျော်ရည် ဖျော်သောက်တာက အလွယ်ဆုံးနဲ့ ကျန်းမာရေးနဲ့ အညီညွတ်ဆုံး နည်းတစ်နည်းပါ။
ကြယ်စင်
BY GOOD HEALT
(ကျန်းမာရေးဆေးမြီးတိုများ မှ ပြန်လည်ကူးယူမျှဝေပါသည်။)
0 comments:
Post a Comment