ဝဲရောဂါအကြောင်း

ကလေးတွေအထူးသဖြင့်မူလတန်းအရွယ်တေမှာဝဲပေါက်လို့ယားယံတာကို
တွေ့ဖူးကြမှာပါ။သေးငယ်ပြီးအရေပြားအောက်မှာခိုဝင်နေတတ်တဲ့ဆာ
ကော့ပ်တက်စ် စကေဘီး(Sarcoptesscabiei)ဆိုတဲ့ကမျဉ်းကောင်(mite)လို
အကောင်လေးတွေကြောင့်အရေပြားယားယံပြီးဝဲစွဲရတာပါ။ကမျဉ်းကောင်
တွေရှိတဲ့အရေပြားတ၀ိုက်မှာယားယံစေမှာဖြစ်ပြီးညရောက်ရင်ပိုပြီးကုတ်
ချင်တတ်ပါတယ်။
ဝဲပေါက်တာဟာအလွန်ကူးစက်လွယ်ပြီးအထိအတွေ့ရှိတဲ့စာသင်ခန်းထဲမှာ၊
မူကြိုမှာ၊မိသားစုထဲမှာတစ်ယောက်နဲ့တစ်ယောက်ကူးတာကိုတွေ့ရလေ့
ရှိပါတယ်။ဒါ့ကြောင့်ကုမယ်ဆိုရင်တအိမ်လုံး၊စာသင်ခန်းတစ်ခုလုံးကိုတပြိုင်
တည်းကုပြီးကမျဉ်းကောင်တွေကိုအပြတ်ရှင်းလေ့ရှိပါတယ်။
ဝဲပေါက်တာကိုယူပစ်သလိုချက်ချင်းပျောက်အောင်ကုလို့ရပါတယ်။လိမ်း
ဆေးလိမ်းလိုက်ရင်ကမျဉ်းကောင်နဲ့ဥတွေကိုသုတ်သင်ရှင်းလင်းနိုင်ပါ
တယ်။ဒါပေမယ့်ရက်ပေါင်းအတော်ကြာယားယံနေတတ်ပါတယ်။


၁။ဝဲပေါက်ရင်ဘယ်လိုနေရမလဲ။

ဝဲပေါက်ရင်ယားတာကိုလူတိုင်းသိကြပါတယ်။များသောအားဖြင့်ညမှာအ
ရမ်းယားတတ်ပါတယ်။သေးငယ်ပြီးမညီမညာတဲ့အရည်ကြည်အိတ်လို
ဒါမှမဟုတ်အဖုလေးတွေလိုအရေပြားပေါ်မှာတွေ့ရပါမယ်။
လက်ကြား၊ခြေကြားစတဲ့နေရာတွေမှာအပေါက်များပါတယ်။တကိုယ်လုံး
မှာဝဲပေါက်တတ်ပေမယ့်အရွယ်ရောက်ပြီးလူတွေမှာဆိုရင်အောက်ဖော်ပြ
ပါနေရာတွေမှာပေါက်များဆုံးဖြစ်ပါတယ်။
-လက်ချောင်းများကြား
-ချိုင်းကြား
-ခါးပတ်လည်
-လက်ကောက်ဝတ်အတွင်းဘက်
-တံထောင်ဆစ်ကွေးအတွင်းဘက်
-ခြေဖ၀ါး
-ရင်သားပတ်လည်
-တင်ပါး
-ဒူး
-ပခုံး
ကလေးတွေမှာတော့အောက်ဖော်ပြပါနေရာတွေမှာအပေါက်များပါတယ်။
-ဦးရေပြား
-မျက်နှာ
-လည်ပင်း
-လက်ဖ၀ါး
-ခြေဖ၀ါး
*တချို့ကလေးတွေမှာတော့ချိုင်းကြားရောလက်မောင်းနဲ့ရင်ဘတ်တွေမှာ
ပါဝဲပေါက်တတ်ပါတယ်။

၂။ဘာလို့ဝဲပေါက်တာလဲ။

ဝဲပေါက်စေတဲ့ခြေ ၈ချောင်းနဲ့ကမျဉ်းကောင်ကိုအဏုကြည့်မှန်ပြောင်းနဲ့
ကြည့်မှမြင်နိုင်ပါတယ်။ကမျဉ်းနီမဟာအရေပြားကိုဖောက်ဝင်ပြီးပေါ်လာတဲ့
မြောင်းလေးထဲမှာဥတွေကိုဥချပါတယ်။၃-၄ ရက်လောက်နေတော့အကောင်
ပေါက်ပြီးကမျဉ်းနီကောင်လေးတွေအရေပြားပေါ်ကိုတတ်သွားပါတယ်။အ
ရွယ်ရောက်လာတဲ့အခါကိုယ်ပေါ်ကတခြားနေရာတွေအပြင်သူများတွေဆီ
ကိုပါကူးစက်ရောက်ရှိနိုင်ပါတယ်။ကမျဉ်းကောင်တွေ၊ဥတွေနဲ့သူတို့ရဲ့အ
ညစ်အကြေးတွေကိုကိုယ်ပေါ်မှာဓာတ်မတည့်လို့တုံ့ပြန်ရာကနေယားယံ
လာတာဖြစ်ပါတယ်။
လူ၊ခွေး၊ကြောင်တွေသူတို့နဲ့သက်ဆိုင်တဲ့ကမျဉ်းကောင်တွေကြောင့်ပဲဝဲ
ပေါက်လေ့ရှိပါတယ်။ဝဲစားနေတဲ့ခွေးကနေကမျဉ်းနီကောင်တွေလူပေါ်ကို
ရောက်လာနိုင်ပေမယ့်အကြာကြီးအသက်မရှည်နို်ပါဘူး။ဒါ့ကြောင့်တချို့လူ
တွေမှာတိရစ္ဆာန်ကကူးစက်တဲ့ကမျဉ်းကောင်တွေကြောင့်ခဏတဖြုတ်ယား
ယံတတ်ပေမယ့်လူကိုကူးတဲ့ကမျဉ်းကောင်လဲကူးစက်ခံထားလေ့ရှိတာမို့
ခွေးတွေကြောင်တွေကနေကူးလို့ဝဲပေါက်တယ်ဆိုတာအ်မတန်ပဲဖြစ်ခဲပါ
တယ်။

၃။ဘယ်လိုနောက်ဆက်တွဲဆိုးကျိုးတွေဖြစ်နိုင်လဲ။

ယားလို့အရမ်းကုတ်ရင်အရေပြားတွေပေါက်ပြဲလို့ဘတ်တီးရီးယားတွေ
ကူးစက်ခံရပြီးပြည်တည်နာတွေဖြစ်တတ်ပါတယ်။ဆိုးဆိုးရွားရွားဝဲပေါက်ရင်
ကိုယ်ပေါ်ကနေအရေပြားနေရာအတော်များများဟာမာကြောကြွပ်ဆပ်(
crusted scabies)သွားလေ့ရှိပြီးအောက်ဖော်ပြပါအုပ်စုတွေမှာဖြစ်လေ့ရှိ
ပါတယ်။
-ကိုယ်ခံအားစနစ်ကိုအားနည်းစေတဲ့နာတာရှည်ဝေဒနာခံစားနေရတဲ့သူတွေ
ဥပမာ-ခုခံကျရောဂါပိုးရှိသူ၊နာတာရှည်သွေးကင်ဆာရောဂါရှိသူများ
-ဆေးရုံ၊သူနာပြုဂေဟာများရှိအလွန်နေမကောင်းဖြစ်နေသူများ
-သူနာပြုဂေဟာမှသက်ကြီးရွယ်အိုများ

ဆိုးရွားတဲ့ဝဲရောဂါ(crusted scabies )ဖြစ်ရင်အရေပြားဟာတကိုယ်လုံးနီး
ပါးအကြေးခွံလိုဖြစ်သွားပြီးမာကြောကြွပ်ဆပ်သွားတတ်ပါတယ်။အင်မတန်
ကူးစက်လွယ်ပြီးကုရတာလဲခက်ခဲပါတယ်။

၎။ဘယ်လိုကုရမလဲ။

ဝဲပေါက်တာကိုကုတယ်ဆိုတာကိုယ်ထဲမှာရောက်နေတဲ့ကမျဉ်းကောင်တွေ
ကိုဆေးနဲ့ဖယ်ရှားပစ်တာပါပဲ။လိမ်းဆေးအများအပြားရှိပါတယ်။ဆေးကို
မေးအောက်ကနေစပြီးတကိုယ်လုံးလိမ်းဖို့လိုပြီးအနည်းဆုံး8-နာရီလောက်
ဆေးကိုကိုယ်ပေါ်မှာထားရပါမယ်။ပျောက်ပြီးမှပြန်ဖြစ်ရင်တော့နောက်ထပ်
ဆေးအသစ်ကိုသုံးပြီးကုဖို့လိုပါတယ်။
ကူးစက်လွယ်တာမို့ဝဲပေါက်နေတဲ့သူကိုကုတဲ့အချိန်မှာသူနဲ့ထိတွေ့နေတဲ့
မိသားစုဝင်တွေ၊အနီးနားကသူတွေကိုပါဝဲပေါက်တဲ့လက္ခဏာမတွေ့လဲ
တပြိုင်ထဲဆေးလိမ်းခိုင်းလေ့ရှိပါတယ်။

အောက်ပါဆေးတွေကိုဝဲကုတဲ့နေရာမှာသုံးကြပါတယ်။

-ပါမီသရင် 5%(permethrin5%)လိမ်းဆေးကကမျဉ်းနီကောင်တွေနဲ့ဥ
တွေကိုသုတ်သင်ဖယ်ရှားနိုင်ပါတယ်။တပတ်ကို2-ကြိမ်၊သိပ်မဆိုးရင်တပတ်
ခြားတခါလိမ်းပေးရပါမယ်။လူကြီးရောကလေးပါသုံးလို့ရသလိုကိုယ်ဝန်
ဆောင်တွေနာတာရှည်ရောဂါခံစားနေရတဲ့သူတွေပါသုံးလို့ရပါတယ်။ဈေး
ကွက်ထဲမှာ (Elimite )နာမည်နဲ့ဝယ်လို့ရပါတယ်။

-လိမ်းဆေး၊ခေါင်းလျော်ရည်အသွင်နဲ့သုံးလို့ရတဲ့ လင်ဒိန်း(lindane)ဆို
တဲ့ဆေးလဲရှိပါတယ်။ဒီဆေးကတော့2-နစ်အောက်ကလေးတွေ၊ကိုယ်ဝန်
ဆောင်တွေ၊ကိုယ်ခံအားနည်းတဲ့သူတွေသုံးဖို့မသင့်တော်ပါဘူး။

-ခရော့တမ်မိတွန် Crotamiton (ယူရတ်ဇ် Eurax) ဆိုတဲံဆေးကတော့
ဓာတုပစ္စည်းတွေကိုသုံးထားတာမဟုတ်ပါဘူး။ကလေးတွေကိုလိမ်းပေးလို့
ရပြီးတရက်ကို 1-ကြိမ် ၂-၅ ရက်ထိလိမ်းပေးဖို့လိုပါတယ်။
လိမ်းဆေးလိမ်းပြီးလို့ဝဲပျောက်သွားပေမယ့်ရက်ပေါင်းအတန်ကြာယားလို့
ကုတ်နေရတတ်တာကိုသတိပြုမိဖို့လိုပါတယ်။
ကိုယ်ခံအားစနစ်မကောင်းတဲ့သူတွေ၊ဆိုးဆိုးရွားရွားဝဲပေါက်တဲ့သူတွေ၊လိမ်း
ဆေးနဲ့မသက်သာတဲ့သူတွေကိုတော့ဆရာဝန်တွေက အီဗာမတ်တင်
invermectin( စတိုမတ်တို stomectol)ဆိုတဲ့သောက်ဆေးကိုသောက်ခိုင်း
တတ်ပါတယ်။

၅။ဘယ်လိုနေထိုင်ပြုမူသင့်သလဲ။

လိမ်းဆေးကြောင့်ကမျဉ်းကောင်တွေသေသွားပေမယ့်ယားတာကျန်နေတတ်
တာမို့အောက်ပါနည်းလမ်းတွေအတိုင်းသက်သာအောင်လုပ်နိုင်ပါတယ်။

-အရေပြားအေးမြစွတ်စိုအောင်ထားပါ။ယားယံတဲ့နေရာကိုသန့်ရှင်းအောင်
လျှော်ဖွတ်ထားပြီးရေထဲနှစ်ကာညှစ်ထားတဲ့အ၀တ်နဲ့သုတ်ပေးရင်သက်
သာစေပါတယ်။
-အယားသက်သာစေတဲ့ကလမင်းလိမ်းဆေး(Calamin Lotion)၊မယ်ဇင်
ကယ်(Mazincle)လိမ်းဆေးတို့ကိုဆရာဝန်ညွှန်ကြားချက်မရှိပဲဝယ်လို့
လိမ်းလို့ရပါတယ်။
-ဘာမီတွန်လိုအယားပြေဆေး(antihistamine)တွေကိုဆရာဝန်နဲ့တိုင်ပင်
ပြီးသောက်ရင်လဲဝဲကြောင့်ယားတာတွေကိုသက်သာစေပါတယ်။

၆။ဘယ်လိုကာကွယ်နိုင်လဲ။

ဝဲပေါက်တာသက်သာပျောက်ကင်းသွားပေမယ့်ပြန်မဖြစ်အောင်၊သူများတွေ
ကိုမကူးအောင်အောက်ပါအတိုင်းလုပ်ဆောင်ဖို့လိုပါတယ်။

-ဆေးမလိမ်းခင် 3-ရက်လောက်ကတည်းကသုံးထားတဲ့အ၀တ်တွေ၊အိပ်
ရာခင်းတွေ၊မျက်နှာသုတ်ပ၀ါတွေကိုလျှော်ဖွတ်ပေးဖို့လိုပါတယ်။ဆပ်ပြာ
ကိုရေနွေးနဲ့ဖျော်ပြီးလျှော်ရပါမယ်။လျှော်ပြီးရင်လဲနေပူပူထဲမှာခြောက်သွေ့
အောင်လှမ်းပေးပါ။
-လျှော်လို့မရတဲ့အသုံးအဆောင်ပစ္စည်းတွေဆိုရင်ပလတ်စတစ်အိတ်ထဲကို
ထည့်ပြီးလေလုံအောင်ပိတ်ပြီးဂိုဒေါင်လိုနေရာမျိုးမှာထားပြီးရက်ပေါင်းအ
တော်ကြာထိတွေ့ကိုင်တွယ်ခြင်းမရှိပဲသိမ်းထားပါ။ကမျဉ်းကောင်တွေဟာ
လူ့ကိုယ်ပေါ်မှာမနေရတဲ့အတွက်အာဟာရပျက်နေပြီဆိုရင်တပတ်လောက်
နေရင်သေသွားကြပါတယ်။

ဒေါက်တာဥာဏ်ပေါ်
ကိုးကား-www.Mayoclinic.com
( ကျန်းမာရေးအတွက်သိသင့်သည်များစုစည်းထားမှု မှ ပြန်လည်ကူးယူမျှဝေပါသည်။)