သူ့အချစ်တွေနဲ့ ရပ်တည်ခဲ့တယ်
သူ့အပြုံးတွေနဲ့ နွေးထွေးခဲ့တယ်
သူ့အကြည့်တွေနဲ့ ကြည်နူးခဲ့တယ်
သူ့ကြင်နာမှုနဲ့ ပျော်ရွှင်ခဲ့တယ် ။
သူပြောသမျှ နားထောင်ချင်ခဲ့တယ်
သူဆိုးသမျှ သည်းခံမိတယ်
သူယုယသမျှ ခံယူချင်ခဲ့တယ်
သူပြုသမျှ နာခံနေမိတယ်။
သူ့အချစ်တွေက ညခါသာတဲ့လမင်းဆိုရင် သူ့ပေါ်နားလည်တဲ့ မေ့အချစ်တွေက
လမင်းနားက ကြယ်လေးတွေပဲဖြစ်မှာပါ။
အရမ်းချစ်တယ်လို့ တဖွဖွဆိုညည်းရင်း
သူ့အနားနေချင်တဲ့ မေ့စိတ်တွေ
သူသိအောင်ပြောမပြတော့ပါဘူး။
မေ မငိုပါဘူး သူအနားမှာရှိနေသရွေ့
သူ့အချစ်တွေရှိနေသမျှ ပြီးပြည့်စုံတဲ့
ပျော်ရွှင်မှုနဲ့ ပျော်နေမှာ။
သူအနားကခွဲသွားမယ့်နေ့မှာသာ ......
လမင်းဘေးက ကြယ်လေးတွေ
ယူကြုံးမရ အငိုမျက်ရည်များနဲ့
မြေမှာကြွေကျသလိုမျိုး
မေ့ပါးပြင်ထက် မျက်ဝန်းဆီက
မခွဲနိုင်တဲ့ အချစ်များနဲ့ လွမ်းမျက်ရည်
ကြွေမယ့်နေ့ ဖြစ်မှာပါ။
ဆုလေးနွယ်
လွမ်းမျက်ရည်ကြွေမယ့်နေ့
Written By MyanmarChnnel@ on Tuesday, August 13, 2013 | 9:20 PM
Related Articles
If you enjoyed this article just click here, or subscribe to receive more great content just like it.
Labels:
(ဆုလေးနွယ်),
ကဗျာ
0 comments:
Post a Comment