ဖြေရှင်းတာထက်

အရင်တုန်းက နင်မဟုတ်တော့မှန်းသိပါတယ်
အရင်ကပေးနေကျ နင့်အနမ်းတွေ
ပြောင်းလဲနေမှန်းသိနေတယ်
အရင်တုန်းက ရေးနေကျ နင့်အရေးအသားတွေ
မဟုတ်တော့တာလဲ သိနေပါတယ်..

ငါတို့နှစ်ယောက် မိုင်တွေထောင်ချီ ဝေးနေခဲ့လို့
အရာရာဟာ ပြောင်းလဲခဲ့မှန်းသိပါတယ် ..

အနေဝေးလို့ သွေးအေးတယ်ဆိုပေမယ့်
ငါ ကြားသမျှတော့ မယုံရဲသေးဘူး
ဒါပေမယ့် နင့်စိတ်ကို နင်ပိုင်ပါတယ်
နင် သဘောတိုင်းပဲ နေလိုက်ပါ
နင်ပျော်မယ်ဆိုရင်ပေါ့ ...

နင်ရဲ့ အသံတိတ်စကားလုံးတွေကို
တစ်ခါထဲ ဖတ်မိရုံနဲ့ ငါ ရင်ထဲသာမက
ဦးနှောက်တစ်ခုလုံးကပါ နားလည်နေပါပြီ
လူတိုင်းက ကိုယ့်လမ်းကိုယ်လျှောက်ကြတာရပါ ။

အသိုက်ဝန်းကျင်ခွဲသွားတဲ့နောက်
ဘယ်သူမဆို ပြောင်းလဲတတ်ကြတာပဲ
နေသားတကျ ရှိနေရင် ငါ ကျေနပ်ပါပြီ။

ငါ့ဆီ မပြန်လာချင်နေပါတော့
ငါပြန်လိုချင်မိတဲ့ တစ်ချိန်က မင်းအပြုံးများကို
ငါ ဝေးတစ်နေရာကပဲ ကြည့်ပါတော့မယ်..

ငါ့ရင်ခွင်ထဲက သံသယတွေအတွက်
ဖြေရှင်းဖို့ မကြိုးစားပါနဲ့
ဒီတိုင်းလေးနေလိုက်တာက ဖြေရှင်းတာထက်
ပိုပြီးပြည့်စုံလို့ပါ..

လွမ်းဆုလေး