သမီးတစ်ယောက်၏ တမ်းတမှု

မိဘနှစ်ပါးနှင့် အသိုက်မြိုက်စုံစွာ
နေချင်ပေမယ့် အတိတ်ဘ၀ကံ
မလှခဲ့လေတော့ ......

အတောင်တစ်ဖက်ကျိုးတဲ့ ငှက်
ခုံလောက်နှစ်ချောင်းတည်းနဲ့ တည်တဲ့အိုး
ခြေတစ်ချောင်းကျိုးနေတဲ့ အပြေးသမား
မျက်စိစုံကန်း နားစုံလုံးကန်းတဲ့ လူတစ်ယောက်လို
သမီးဘ၀ အဘက်ဘက်က မျက်နှာငယ်ခဲ့ရသူပါ။

သမီးကောင်းသမီးမွန် ဖြစ်စေချင်တဲ့ အမေ့ဆန္ဒ
ပြည့်ဝအောင် ကြိုးစားရင်းနဲ့
ဘ၀သက်တမ်း တစ်ပုံထိတော့ ကျိုးခဲ့ပါပြီ။

ပန်းတိုင်မရောက်သေးတဲ့ ဘ၀လေးမှာ
တော်သလိုနေ ဖြစ်သလို စားခဲ့ပေမယ့်
သမီးမွန်အဖြစ်ကို အစွန်းထင်းတော့ မခံခဲ့ပါဘူး။

ရောက်ရာနေရာ ကျရာမြေမှာ
ပြန်ပေါက်နိုင်တဲ့ ရွက်ကျပင်ပေါက်လို
သမီးဘ၀ သင့်ရာနေရာက ပြန်ထနိုင်ဖို့
အတတ်ပညာ စုံလင်စွာလည်း သင်ယူပြီးပါပြီ။

သမီးအနားမှ ဘ၀ခြားသို့
ကူးပြောင်းခဲ့သော မွေးမေမေနှင့်
သက်ရှိထင်ရှား ဖေဖေတို့အား
ဒီစာစုနှင့်တကွ တိုင်တည်ရင်းနှင့် ...

သမီးတစ်ယောက်၏ တမ်းတမှုကို
မြင်တွေ့ပါစေ ...

လွမ်းဆုလေး