မျက်ရည်တွေနဲ့ ညွှတ်ကွင်းဆင်
မင်းလျှောက်မယ့်လမ်းမှာ
ခင်းကျင်းပြသထားပြီး
ငါ့ တစ်ယောက်ထဲအတွက်
မတားဆီးရက်ပါဘူး ...
မင်းပေးအပ်ခဲ့တဲ့
တွယ်တာမှု ကြင်နာမှု အောက်မှာ
တစ်သက်တာ ပေးဆပ်ခြင်းတွေက
မင်းကို မနွေးထွေးစေဘူးတဲ့လား ....
နှလုံးသားကို တည်
သတိတွေနဲ့ စားပစ်ခဲ့တာတောင်
ရလဒ်နဲ့ အကြွင်းက
အချစ်နဲ့ အလွမ်းတဲ့ ။
ခွဲခွာခြင်း သီအိုရီရဲ့
သင်္ကေတကို
နားလည်နေပေမယ့်
မင်းပေးခဲ့တဲ့ အနမ်းတွေကို
တမ်းတမိတိုင်းမှာ
ကြေကွဲခြင်း ၀မ်းနည်းခြင်းတွေက
အသံတိတ် မျိုသိပ်ထားဖို့
သတိပေး ခေါင်းလောင်းထိုးနေခဲ့တယ်။
မင်းဘ၀သာယာဖို့
အပြုံးများနဲ့ တန်ဆာဆင်ထားတဲ့
ငါ့ အပြုံးတွေရဲ့ နောက်ကွယ်မှာ
တစ်စစီ ပျက်သုန်းနေတဲ့
ငါ့ကမ္ဘာကို မင်းသာ တွေ့ခဲ့ရင် .....
*************************
တကယ်တော့ ...
ငါ ဟာ ... မင်းဖြတ်သွားခဲ့တဲ့
လမ်းကလေးဘေးက
ဖျတ်ခနဲ တွေ့ခဲ့မိတဲ့
ပန်းကလေး တစ်ပွင့်ပါ ။
လွမ်းဆုလေး
0 comments:
Post a Comment