သင့်ကျန်းမာရေး (ကဖင်းဓာတ်ရဲ့ဘေးထွက်ဆိုးကျိုးများ)

ကော်ဖီ၊ လက်ဖက်ရည်၊ လက်ဖက်သုပ်တို့ဟာ မြန်မာလူမျိုးတို့ အကြိုက်ဖြစ်ပါတယ်။ ကော်ဖီ၊ လက်ဖက်ရည်တို့မှာ ကဖင်းဓာတ် ပါရှိတယ်။ လူကို လန်းဆန်း စေတယ်။ ငိုက်မျဉ်းမှု လျော့စေတယ်။ ထို့အ တွက်ကြောင့် လက်ဖက်ရည်၊ ကော်ဖီကို လူတွေ မသောက်ရ မနေနိုင်အောင် စွဲနေတတ်ကြတယ်။

သုတေသနပြုမှု တစ်ခုအရ ကော်ဖီနဲ့လက်ဖက်ရည်ကို မသောက်ရမနေနိုင်အောင် စွဲလမ်းကာ အလွန်အ ကျွံ သောက်သုံးပါက ခြေလက် အင်္ဂါ မစုံတဲ့ ကလေး မွေးဖွား လာတတ်တယ်။ နှလုံးရောဂါ၊ ကင်ဆာရောဂါ တို့နဲ့ဆက်စပ်နေတယ်။မသောက်ရမနေနိုင်အောင်  စွဲလမ်းခြင်းက ဖင်းဓာတ်ကို သောက်သုံးနေသူ များ၊ ကော်ဖီကိုနေ့စဉ်မသောက်မနေရစွဲလမ်းသူများရှိတယ်။ ကော်ဖီကိုလုံးဝမသောက်ဘဲဖြတ်ရင် မအိပ်နိုင် ဘဲဖြစ်သွားတယ်။ စိတ်ဓာတ်ကျဆင်းသလို၊ ဒေါသဖြစ်သလို ခံစားရပြီးခေါင်းအုံနေတတ်တယ်။ အချို့ တစ်နေ့လေးခွက်မှ ခြောက်ခွက်အထိသောက်ရမှအိပ်ပျော် စားဝင်တာ တွေ့ဖူးတယ်။ 

 မစွဲလမ်းသင့်သော အစားအသောက်မျိုးဖြစ်တဲ့ အတွက် ဖြည်းဖြည်းချင်းလျှော့ ချ၍ နောက်ဆုံး ဖြတ် လိုက်တာ ကောင်းပါတယ်။ ကျန်းမာရေးထိခိုက်ခြင်း တစ်နေ့ကို ကော်ဖီ ၂ ဒသမ ၅ ခွက်ထက် ပို၍ သောက်သုံးသူ အချို့မှာ ထုံနာ၊ ကျဉ်နာ၊ အသက်ရှူမဝတဲ့ လက္ခဏာမျိုး ခံစားရတတ်တယ်။ လက်ဖက်ရည်တစ်နေ့ ၁ဝ ခွက်သောက်သုံးသူ ၁ဝ ရာခိုင်နှုန်းမှာ နားထဲအသံများကြားနေ ရခြင်း၊ ခြေလက် များတုန်ခြင်း၊ မျက်စိထဲ အလင်းရောင် တဖျတ်ဖျတ်မြင်ရခြင်း၊ နှလုံးခုန်မမှန်ခြင်း၊ အသက်ရှူမဝခြင်း၊ ကြွက်သားများ တောင့်တင်းပြီး အားကုန်နေခြင်း စသည့်လက္ခဏာများ ဖြစ်ပွားတတ်တယ်။ ကဖင်းဓာတ် ၁ဝ ဂရမ် (ကော်ဖီခွက် ၁ဝဝ)ကို တစ်ထိုင်တည်းသောက်ပါက အသက်ဆုံးရှုံးနိုင်တယ်။ ကဖင်းဓာတ်ကြောင့် သားသမီး ခြေလက်အင်္ဂါ မပြည့်မစုံ မွေးတတ်ခြင်း သားသမီး မွေးတဲ့အခါ ခြေလက်အင်္ဂါမစုံလင် တတ်သဖြင့် ၁၉၈ဝ ပြည့်နှစ်က အမေရိကန်ကျန်းမာရေးဌာနမှ ကော်ဖီအလွန်အကျွံသောက်သုံးတဲ့ ကိုယ်ဝန်ဆောင်များ ကို လျှော့သောက်ဖို့ သတိပေးစာဖြန့်ဝေထုတ်ပြန်ခဲ့ဖူးတယ်။

၁၉၈၂ ခုနှစ်အတွင်းက ဟားဗတ်တက္ကသိုလ်သုတေသီတစ်စုက ကိုယ်ဝန်ဆောင် ၁၂၂ဝ၅ ယောက် ကို လေ့လာကြည့်ရာ ကဖင်းဓာတ်က ကလေးငယ်ကို ဒုက္ခပေးတတ်တဲ့ အထောက်အထားမတွေ့သဖြင့် ကလေးကိုဒုက္ခမပေးဘူးလို့ဆိုပြန်တယ်။ကဖင်းဓာတ်ကနှလုံးကိုထိခိုက်ခြင်း၁၉၇၂ ခုနှစ်မှ ၁၉၇၃ ခုနှစ် အထိ ဘော့စတွန်တက္ကသိုလ်ပညာရှင် တစ်စုက ကော်ဖီအသောက်များ ရင် နှလုံးသွေးကြော ပိတ်ရောဂါဖြစ် လွယ်တယ်။

 ကော်ဖီသောက်ခြင်း တစ်ခုကြောင့်မဟုတ်ဘဲ စိတ်ဖိစီးမှုကြောင့်နှလုံးရောဂါရကြခြင်းဖြစ်တယ်။ နဂိုနှလုံးရောဂါအခံရှိသူများ ကော်ဖီ၊ လက်ဖက်ရည်များများမသောက်သင့်ပါ။ ဆရာဝန်ညွှန်ကြား မှ သောက် သင့်ကြောင်း ပြောကြားခဲ့ပါတယ်။ ကဖင်းဓာတ်ဟာ ကင်ဆာရောဂါကို ဖြစ်စေတတ်ပါတယ်။

 သို့သော် ကော်ဖီ၊ လက်ဖက်ရည်တစ်ခုတည်းကြောင့်မဟုတ်ဘဲ ဆေးလိပ်သောက်မှု၊ စိတ်ဖိစီးမှုတို့နဲ့ ယှဉ်တွဲနေတတ်တယ်။တန်ဆေးလွန်ဘေးမြန်မာနိုင်ငံမှာ လက်ဖက်စားတဲ့ဓလေ့ ရှိတဲ့အတွက် အချဉ်ဖောက် ထားတဲ့ လက်ဖက်စားသုံးမှုက အိပ်မပျော်ဖြစ်စေတယ်။ အခြားဆက်စပ်နေတဲ့ ရောဂါများ၊ ဥပမာ- အမျိုးသမီးများ ရာသီချုပ်ခြင်း၊ မပြီးဆုံးဘဲ တန့်သွားခြင်း၊ ဓမ္မတာမမှန်ခြင်း၊ စိတ်ဖိစီးမှုများခြင်း၊ အိပ်မပျော်ခြင်းများ ဖြစ်နိုင်လို့ လက်ဖက်အစား ချင်း သို့မဟုတ် မိုးကျ လက်ဖက်ရွက်သုပ် စားသင့်ပါတယ်။ မည်သည့် အစားအစာမဆို ''တန်ဆေးလွန်ဘေး'' ဖြစ်နိုင်ကြောင်း သတိချပ်သင့်ပါတယ်။ ။

ဒေါက်တာလွင်သန့် (ဆေး-၂)

Ref : မြ၀တီ ကျန်းမာရေးသတင်း