ဖခင်ကို အသက်ပေး၍ လုပ်ကျွေးသော အလီနသတ္တု မင်းသား

ရှေးလွန်လေပြီးသော အတိတ်ကာလက ကပိလတိုင်း၊ ဥတ္တရပဉ္စာလမြို့၌ ပဉ္စာလမင်း၏သားတော် ဇယဒိသမင်းသားသည် ခမည်းတော်၏ အရိုက်အရာကို ယူ၍ မင်းပြုတော်မူ၏။ ထိုဇယဒိသ မင်းသားအား အလီနသတ္တုအမည်ရှိသော သားတော်တပါး ထွန်းကားတော်မူသဖြင့် အိမ်ရှေ့မင်းအရာ အပ်နှင်း၍ နိုင်ငံတော်အတွင်း စီးနင်းအုပ်ချုပ်စေတော်မူသည်။

တနေ့သ၌ ဇယဒိသမင်းသည် သမင်လိုက်သွားလေရာ အဖော်များနှင့် ကွဲကွာ၍ ဘီလူးနှင့်တွေ့သဖြင့် မိမိမှာပါရှိသော ချေသားကို ဘီလူးအား ကျွေးပြီးလျှင် ယနေ့ တရားနာရန် အချိန်းအချက် မပျက်စေလို သောကြောင့် ခွင့်ပြုပါ။ နက်ဖြန်ခါ ကိုယ်တိုင်ပင်လာပါမည်-ဟု ယုံကြည်ရန် အဓိဋ္ဌာန်သစ္စာပြု၍ ဘီလူးထံမှ ပြန်လာခဲ့သည်။

နောက်တနေ့တွင် ဇယဒိသမင်းသည် ဘီလူးစားခံရန် သွားမည်ဟု ပြင်ဆင်သောအခါ သားတော်အလီနသတ္တု မင်းသားမြင်၍ အို-ဖခင် ဖခင်၏ကိုယ်စား သားတော်ပင်သွား၍ ဘီလူးအစားခံပါမည်။ ဖခင်အတွက် အသက်ကို စွန့်လွှတ်ပါမည်-ဟု အတန်တန်တောင်းပန်သဖြင့် ခမည်းတော်သည် သားတော်၏ စွမ်းရည်သတ္တိကို သိလိုသဖြင့် အလီနသတ္တုမင်းသားအား ခွင့်ပြုလိုက်လေသည်။

အလီနသတ္တုမင်းသား ဘီလူးစားခံရန် သွားမည့်အကြောင်းကို မယ်တော်ကြီးနှင့် နှမတော်၊ ကြင်ယာတော်တို့ပါ သိကြသောအခါ ပူဆာလောင်ပြင်း၊ ရင်တွင်းမသာ၊ မျက်နှာငယ်ညှိုး၊ မျက်ရည်မိုး ရွာကြပြီးလျှင် ငိုယိုကြ၍ မသွားဖြစ်အောင် တားမြစ်တောင်းပန်ကြကုန်၏။

အလီနသတ္တု မင်းသားသည်ကား မယ်တော်၊ နှမတော်၊ ကြင်ဖော်သက်ထား မိဖုရားနှင့်တကွ ဆွေတော်၊ မျိုးတော်တို့ကိုလည်း မငဲ့ညှာ၊ မထောက်ထားအားပဲ ခမည်းတော်၏ကိုယ်စား ထွက်သွားခဲ့လေသည်။ အလီနသတ္တုမင်းသား ဘီလူးထံမှောက် ရောက်သောအခါ လူသားစားရတော့မည်ဟု မျှော်လင့်နေသော ဘီလူးသည် ဇယဒိသမင်းမဟုတ်ကြောင်းကို သိ၍ အမောင်လုလင်၊ အသင်၏ ဖြောင့်မတ်သော ကိုယ်ပေါက်ကိုယ်ရောက်နှင့် ရွှေအဆင်းပမာ ၀ါဝင်းထိန်ပြေ ကျက်သရေရှိသော မျက်နှာသည် လွန်စွာတင့်တယ်ပေ၏။

ဤတောအရပ်၌ လူသားစားကြူး ငါ့နှယ်ဘီလူးရှိကြောင်းကို သင်ကောင်းကောင်း မသိလေသလော။ အကယ်၍ သိသော်လည်း အသက်ဘေးမှ ချမ်းသာပေးလိမ့်မည်ဟု အထင်နှင့် လာလေသလော -ဟု မေးလေလျှင် အလီနသတ္တုမင်းသားသည် မျက်နှာထားခပ် တည်တည် နှုတ်ဝစီ ချိုမြစွာဖြင့် သွေးစိမ်း ရှင်ရှင်ကိုသောက်စုပ်အလွန်ကြမ်းကြုတ်သည့် တောအုပ်ပျော်ကြူး ဟယ်ဘီလူး၊ သင့်ကို လူသားစားကြူး ဘီလူးဟူ၍ တင်ကျူးသိနှင့်ပါ၏။ သို့ရာတွင် ငါ၏ခမည်းတော် ဇယဒိသမင်းရာဇာ၏ အသက်ဘေးမှ ချမ်းသာရာရရေးကို မျှော်တွေးရှေးရှုကာ သင့်အထံသို့ လာခဲ့ခြင်းဖြစ်သည်။ ယခုပင် ငါ၏အသားကို ခမည်းတော်ကိုယ်စား ကျွတ်ကျွတ်ဝါးစားပါလော-ဟု ဆိုကာ ရဲရင့်စွာ ရှေ့သို့ တိုးသွားလေ၏။

ထိုအခါ ဘီလူးသည် နူးညံ့သောစိတ်ဖြင့် တုန်လှုပ်လျက် အို-အမောင်လုလင်၊ မိဘအတွက် အသက်ပေး၍ ကိုယ်ရေးကိုယ်တာ မငဲ့ညှာဘဲ သေရဲသောသူ၏ အသားကို ငါစားချေက ငါ့ဦးခေါင်းသည် ခုနစ်စိတ် ခုနစ်မြွှာကွဲ၍ သေပွဲဝင်ရမည် အမှန်ဖြစ်၏။ ဟု ပြောဆို၍ မင်းသားကို လွှတ်လိုက်လေ၏။ အလီနသတ္တုမင်းသားကလေးသည် ဘီလူး၏ ဘေးမှ လွတ်မြောက်၍ ရွှေမြို့တော်သို့ ကောင်းမွန်စွာ ပြန်လည်ရောက်ရှိလာလေသည်။

မိဘကို အသက်ပေး၍ လေးလေးမြတ်မြတ် အကြွေးဆပ်သော ဂုဏ်အထူးသည် လွန်စွာပြင်းပြသော ဘီလူး၏ မာန်စွယ်ကို ပယ်ရှင်းနိုင်လေသည်။
(ဆောင်)
မိဘအကျိုး၊ အမျိုးမျိုး၊ သယ်ပိုးဆောင်နိုင်စေ။
မိဘတွက်တာ၊ အရာရာ၊ ကောင်းစွာပြုပါလေ။
မိဘနှစ်ပါး၊ သကာပျားလို၊ စကားဆိုပါလေ။