ပါဏာတိပါတ သိက္ခာပုဒ်

ပါဏ = အသက်ကို၊ အတိပါတ = လျှင်မြန်စွာချခြင်းဟု ပုဒ်ခွဲရသည်။ ရှင်းအောင်ပြန်သောအခါ သူ့အသက်ကို သတ်ခြင်းဟုပင် ဖြစ်သွားသည်။ အကြောင်းတစ်ခုခုကြောင့် သတ္တဝါတစ်ကောင် သေသွားသောအခါ ပါဏာတိပါတကံထိုက်၊ မထိုက်ဆုံးဖြတ်နိုင်ရန် အင်္ဂါ (၅) ချက်ရှိသည်။ ယင်းတို့မှာ -

(၁) သတ္တဝါတစ်ကောင်ကောင်ဖြစ်ခြင်း။

(၂) သတ္တဝါဟူသော အမှတ်သညာရှိခြင်း။
(၃) သေစေလိုသော စိတ်စေတနာရှိခြင်း။
(၄) သေဖို့ရန်ကိုယ်၊ နှုတ်တစ်ခုခုဖြင့် လုံ့လပြုခြင်း။
(၅) သေသွားခြင်း။ (ခုဒ္ဒက။ ဌ။ ၂၂)

တို့ဖြစ်ပေသည်။ အရေးတကြီးသိသင့်သော အဆုံးအဖြတ်တစ်ခုမှာ ရောဂါဒဏ်ကို မချိမဆန့် ခံစားနေရသော လူနာတစ်ယောက်ကို မကြည့်ရက်ပါဘူးဆိုကာ မြန်မြန်သေဆေးထိုးပေးသူမှာ အပြစ်ရှိသည်ဟူသော ဆုံးဖြတ်ချက်ပင်ဖြစ်၏။ အပေါ်ယံကြည့်လျှင် ရောဂါခံစားနေရတာကို မကြည့်ရက်လို့ ကရုဏာစိတ်နှင့် လုပ်ပေးလိုက်တာ ပါဏာတိပါတကံမမြောက်လောက်ပါဘူးဟု ထင်စရာပင်ဖြစ်နေ၏။

 

အမှန်ကား သေဆေးထိုးသခိုက်တွင် သနားသောစိတ်ခေတ္တ ပျောက်သွားပြီး မြန်မြန်သေစေလိုသော သိမ်မွေ့လှသည့် ဒေါသစိတ်က ကာယကံရှင် သတိမထားလိုက်မိသောအချိန်မှာပင် ဖြစ်သွား၏။ ထို့ကြောင့် လူနာကို မြန်မြန်သေအောင် ဆေးထိုးပေးလျှင် ကိုယ်တိုင်ထိုးပေးသော ဆရာဝန်ရော၊ ထိုးခိုင်းသောလူနာရှင်ပါ ပါဏာတိပါတ ကံထိုက်လေသည်။

"ပဉ္စာနန္တရိယကံထိုက်သောအမှား"
•••••••••••••••••••••••••••••••••••••
သေဆေးအထိုးခံရသူမှာ မိဘဖြစ်နေလျှင် ထိုးခိုင်းသော သားသမီးများမှာ ပဉ္စာနန္တရိယကံထိုက်သည်။ အသတ်ခံရသူ၏ သီလ၊ သမာဓိ၊ ပညာ၊ အကြီးအသေးအလိုက် သတ်သူမှာလည်း အကုသိုလ်အကြီး အသေးကွာခြားသွားသည်။ သီလ၊ သမာဓိ၊ ပညာကြီးမားသူကိုသတ်လျှင် အပြစ်ကြီး၍ သီလ၊ သမာဓိ၊ ပညာ နည်းသူကိုသတ်လျှင် အပြစ်သေးသည်ဟု မှတ်ရမည်။

"ပါဏာတိပါတ၏ဆိုးကျိုးများ"
•••••••••••••••••••••••••••••••
ပါဏာတိပါတ်၊ သူ့သက်သတ်က
ချို့တတ်အင်္ဂါ၊ မွဲပြာရုပ်သွင်
အားအင်ချို့ယွင်း၊ လျှင်ခြင်းလည်းဝေး
ဘေးကိုကြောက်တတ်၊ အသတ်ခံရာ
အနာများလျက်၊ ခြွေရံပျက်၍
အသက်တိုလျ၊ ပြစ်များစွသည်
ရှောင်ကအပြန်၊ အကျိုးတည်း။

ဖော်ပြပါလင်္ကာအရ သူ့အသက်ကိုသတ်သူများသည် ဖြစ်ရာဘဝတွင် မိခင်ဝမ်းတွင်းကတည်းက ကိုယ်လက် အင်္ဂါအပြည့်မစုံ ဖြစ်လာတတ်သည်။ရုပ်ရည်မှာ ကြည့်မရလောက်အောင် မွဲပြာနေတတ်သည်။ အား အင်ခြောက်ခန်းပြီး ချိနဲ့နေတတ်သည်။

လျှင်မြန်ဖျတ်လတ်မှုမရှိဘဲ လေးလံထိုင်းမှိုင်းနေတတ်သည်။ အမြဲတန်း ကြောက်ကြောက်ရွံ့ရွံ့ တုန်တုန် ခိုက်ခိုက်နေရတတ်သည်။ သူတစ်ပါးအသတ်ကိုခံရသည်။ သူတစ်ပါးက လာမသတ်လျှင် မိမိကိုယ် မိမိ ပြန်သတ်ရသည်။ အဆိပ်သောက်သေသူများ၊ ရေထဲခုန်ချသေသူများ၊ ရထားအကြိတ်ခံသေသူများသည် ပါဏာတိပါတကံ ပါလာသူများဖြစ်ကြ၏။

သူတစ်ပါးက လာမသတ်၍ မိမိကိုယ်မိမိ ပြန်သတ်ရခြင်းဖြစ်၏။ နောက်ဆိုးကျိုးများမှာ အနာရောဂါများခြင်း၊ အခြွေအရံပျက်ခြင်း၊ အသက်တိုခြင်းတို့တည်း။ အကယ်၍ သူ့အသက်ကို သတ်ခြင်းမှ ရှောင်ကြည် မည်ဆို လျှင် ယခုဆိုးကျိုးများ၏ ဆန့်ကျင်ဘက် -

- ဖြစ်ရာဘဝကိုယ်လက်အင်္ဂါပြည့်စုံစွာဖြစ်ရခြင်း။
- ရုပ်ရည်ချောမောလှပ ကျက်သရေရှိခြင်း။
- ခွန်အားဗလကြီးခြင်း။
- လျှင်မြန်ဖျတ်လတ်ခြင်း။
- ရဲရဲရင့်ရင့် တုန်လှုပ်မှုကင်းစွာ နေနိုင်ခြင်း။
- အနာရောဂါကင်းဝေးခြင်း။
- အခြွေအရံများခြင်း။
- အသက်ရှည်ခြင်း။

ဟူသော ကောင်းကျိုးများကို ပြန်လည်ရရှိမည်ဖြစ်သည်။ လူသားတို့တွင် သက်တမ်းဆုတ်သောကပ်၊ တက်သောကပ်ဟူ၍ နှစ်မျိုးရှိသည်။ သီလမရှိမှုကြောင့် ဆုတ်ကပ်ဖြစ်ရပြီး သီလရှိမှုကြောင့် တက် ကပ်ဖြစ်ရသည်။ ယခုအချိန်ကို ဆုတ်ကပ်အချိန်ဟုဆိုရသည်။ မရေမတွက်နိုင်အောင် အသက်ရှည်သော အသေင်္ချေယတန်းမှစ၍ ဆုတ်လာခဲ့ရာ (၇၅) နှစ်တန်းအချိန်သို့ပင် ရောက်လာပေပြီ။

သီလတွေပျက်ပြီး ကရုဏာကင်းလိုက်ကြသည်မှာလည်း ဆိုဘွယ်ရာမရှိ။ နိုင်ငံခြားဟိုတယ်များတွင် မြွေ၊ ငါး၊ လိပ်၊ မျောက်စသော သတ္တဝါများကို အရှင်ပြထားသည်။ စားချင်ရာ လက်ညှိုးထိုးပြလိုက်သည်နှင့် ထိုသတ္တဝါ ကို ချက်ချင်သတ်ကာ ချက်၊ ပြုတ်၊ ကြော်၊ လှော် ကျွေးကြသည်။

မျောက်ကလေးများအဖြစ်ကား ပို၍ဆိုး၏။ မည်သူက ချောက်တွန်းလိုက်သည်မသိ။ မျောက်ဦးနှောက် လတ်လတ်ဆတ်ဆတ်စားလျှင် အသက်ရှည်သည်၊ အင်အားကိုလည်း ဖြစ်စေသည်စသော သတင်းထွက် လာသည်နှင့် မျောက်များ မချိမဆန့်ဝေဒနာကိုခံစားပြီး သေကြရသည်။

မျောက်ကို ချိန်သားကျအပေါက်ဖောက်ထားသော စားပွဲအလယ်မှ အပေါက် ထဲသို့ အောက်ဘက် မှ ခေါင်းထိုး သွင်းပြီး မလှုပ်နိုင်အောင် တုပ်ချည်ထားလိုက်သည်။ စားပွဲအပေါ်ပိုင်း မျက်နှာတွင်ကား မျောက် ၏ နောက်စေ့လေးက အပေါ်ထွက်လျက်ရှိသည်။

စားပွဲပေါ်တွင်ကား ဓားတစ်ချောင်း၊ ဇွန်းခက်ရင်းအရက်နှင့် ဖလ်ခွက်တို့က အသင့်ရှိနေ သည်။ မျောက် ဦးနောက်  ကို စားတော့မည်ဆိုသည်နှင့် အသင့်ချပေး ထားသော ဓားဖြင့် ပေါ်နေသော မျောက် ဦးခေါင်း၏ သုံးပုံတစ်ပုံကို လှီးပစ်လိုက်သည်။ လှီးပြီးသော ဦးခွံကို ဖယ်လိုက် သည်နှင့် အရှင်လတ်လတ် မျောက်၏ တလှုပ်လှုပ်ဖြစ်ဆဲ ဖွေးဖွေးဖြူနေသော ဦးနှောက်များက ပေါ်လာသည်။

ထိုဦးနှောက်များကို ဇွန်းခက်ရင်းဖြင့် ယူစားကြသည်။ လူသားသည်လောက၌ အသိဉာဏ်ပညာ အကြီးမားဆုံးဖြစ်သည်။ ထိုအသိဉာဏ်ကို ကရုဏာမေတ္တာနေရာတွင် အသုံး မချဘဲ လော ဘ၊ ဒေါသနေ ရာတွင် အသုံးချလိုက်သောအခါ အရက်စက်ဆုံး၊ အယုတ်မာဆုံးသရဖူသည် လူသား၏ ခေါင်းပေါ် သို့ပင် ပြန်ရောက်သွားရသည်။

မေတ္တာရှင်(ရွှေပြည်သာ)၏
‘သီလအစွမ်း အံ့မခန်း’ မှမျှဝေပါတယ်။

စာဖတ်သူအားလုံး ဘေးရန်ကြောင့်ကြဆင်းရဲကင်း၍ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာ ဆန္ဒ ပြည့်ဝကြပါစေ။ ။