တစ်ခါတုန်းက ဆင်းရဲတဲ့ လယ်သမား မိသားစု ရှိတယ်တဲ့။ အဲလယ်သမားမှာ သားလေးတစ်ယောက်လဲ ရှိတယ်။ အဲဒီမိသားစုနဲ့ မနီးမဝေးမှာ အတိုးပေးပြီး ငွေချေးစားတဲ့ လူကြီးတစ်ယောက်လဲ ရှိတယ်တဲ့။
တစ်နေ့တော့ အဲဒီလယ်သမား လင်မယားဟာ အတိုးချေးစားတဲ့ လူကြီးဆီ မှာ ငွေသွားချေးမိကြသတဲ့ ။ လူကြီးက လပြည့်တော့ လာတောင်းတာပေါ့ ။ အဲနေ့မှာ လယ်သမားလင်မယားဟာ အလုပ်သွားနေကြတယ် ။ အိမ်မှာ ကလေးတစ်ယောက်ပဲ ကျန်ခဲ့တယ်။
လူကြီးက ကလေးကိုမြင်မြင်ချင်း အကြွေးတောင်းတယ်။
လူကြီး ။ ကလေး မင်းမိဘတွေရော။
ကလေး ။ မရှိဘူး။
လူကြီး။ ဘယ်သွားတာလဲ ။
ကလေး ။ အဖေက ရှင်တဲ့လူကိုသတ်၊ သေတဲ့လူကို ရှင်အောင် ပြန်လုပ်တဲ့အလုပ်ကို သွားတယ်။ အမေက လေ သွားရောင်းတယ် ။
ကလေးရဲ့ အဖြေကြောင့် လူကြီး တော်တော်ခေါင်းစားသွားတယ်။ ဒါနဲ့
လူကြီး ။ ဘာပြောတာလဲ၊ ရှင်းပြပါအုံး။
ကလေး ။ ဒါဆို ဒီလိုလုပ်။
လူကြီး ။ ပြော ။
ကလေး။ ကျွန်တော် ဒီအဖြေကိုဖြေရင် ကျွန်တော်တို့ဆီက အကြွေးတွေ ကို ပေးပြီးပြီလို့မှတ်ရမယ်။ အဲလိုမှ မဟုတ်ရင်တော့ မဖြေဘူး။
လူကြီး။ အေး.. ရတယ်။ ဒါကို ဖြေရင် မင်းတို့ဆီမှာ ငါ ဘာအကြွေးမှ မရှိတော့ဘူး ။
ကလေး ။ ဒါဆို သက်သေ ရှာလိုက်အုံးမယ်။
ကလေးက ပြောပြောဆိုဆို ဟိုကြည့် ဒီကြည့်လုပ်တယ်။ အဲအချိန်မှာ အိမ်ခေါင်မိုးမှာ အိမ်မြှောင်တစ်ကောင်က စုတ်ထိုးနေတယ်တဲ့။ ဒါနဲ့ ကလေးက
ကလေး။ ဒီအိမ်မြှောင်ကို သက်သေထားမယ်။
လူကြီး ။ ရတယ်။ ကဲပြော။
ကလေး။ အဖေက ပျိုးနှုတ် ကောက်စိုက်သွားတာ ၊ အမေကတော့ ယပ်တောင် သွားရောင်းတယ်။
လူကြီး။ အော် .... ။
ဒါနဲ့ လူကြီးဟာ အိမ်ကို ပြန်သွားတယ်။ တစ်နေ့ကျတော့ ကလေးတွေ အိမ်ဆီ ရောက်ခဲ့ပြန်ရော။ အကြွေး လာတောင်းတာပေါ့။ အဲအချိန်မှာ ကလေးက
ကလေး။ ဖေဖေနဲ့ မေမေ... သားတို့ အဲလူကို အကြွေးပေးစရာမလိုတော့ဘူး၊ ကျေပြီ။
လူကြီး ။ ဟေ့ကလေး .. မဆိုင်တာမပြောနဲ့၊ နင်တို့ ငါ့ကို အကြွေးပေးရအုံးမယ်။
ကလေး။ အဲနေ့က ကျေပြီလို့ ပြောခဲ့တယ်မဟုတ်လား။ ဒီတော့ မပေးနိုင်ဘူး။
အဲလိုကလေးက ပြောတော့ လူကြီးက ဒေါသထွက်ပြိး တရားရုံးသွားတိုင်သတဲ့။ တရားသူကြီးက ကလေးတွေ မိသားစုကို ခေါ်ပြီး အမှု ရင်ဆိုင်ကြတာပေါ့။ အဲအခါ
တရားသူကြိး။ ကလေးနဲ့ ဒီလူကြီးက ပြသနာ ရှိခဲ့ဖူးတယ်လို့ပြောတယ်။
ကလေး ။ မှန်ပါတယ် တရားသူကြီး။
တရားသူကြီး ။ ကလေးက သူ့အကြွေးတွေကိုမပေးဘူးလို့လဲ ပြောပါတယ်။
ကလေး ။ ဒါက အကြွေးကျေသွားလို့ပါ တရားသူကြီးမင်း။
တရားသူကြီး။ ဘယ်လိုကျေသွားတာလဲ ။
ကလေး ။ သူ သိချင်တဲ့ မေးခွန်းကိုဖြေရင် အကြွေးတွေ ကျေမယ်လို့ ပြောပြီး ကျွန်တော် ဖြေပေးလိုက်တာပါ တရားသူကြီးမင်း။
တရားသူကြီးမင်း ။ အသိသက်သေ ရှိသလား။
ကလေး။ ရှိပါတယ် တရားသူကြီးမင်း။
အဲအချိန်မှာ လူကြီးက ထအော်သတဲ့။
လူကြီး ။ ဟေ့ကောင်လေး။ အဲနေ့က သက်သေက ဘယ်မှာလဲ။ သူ့ဘာသာနေတဲ့ အကောင်ကို ဆွဲထည့်ထားတာ.. ငါ့အကြွေးတွေ မပေးလို့မရဘူး။
ကလေး။ ခင်ဗျား အဲလိုလိမ်မယ်ဆိုတာ သိလို့ သူ အဲထိ လိုက်ခဲ့ပါတယ်။ အပေါ်ကို မော့ကြည့်လိုက်ပါ ခင်ဗျာ။
ကလေးစကားကြောင့် အားလုံး အပေါ်ကို မော့ကြည့်လိုက်ကြတယ်။ အပေါ်မှာ အိမ်မြှောင်တစ်ကောင်က စုတ်ထိုးနေတာကို မြင်ကြရတယ်။ လူတွေ နားမလည်ဖြစ်နေတုန်းမှာပဲ ကလေးက အောင်မြင်သော လေသံနဲ့
ကလေး။ ကျွန်တော်တို့ သက်သေရှာတဲ့ခါ အိမ်မြှောင်ကို သက်သေထားခဲ့ပါတယ် တရားသူကြိးမင်း။
ကလေးစကားရဲ့ အဆုံးမှာ လူကြီးဟာ ခေါင်းငိုက်စိုက်ကျသွားတယ်တဲ့။ တရားသူကြီးလဲ ကလေးနဲ့ မိသားစုကို အဲလူကြီးရဲ့ အိမ်ကို အပိုင်စားဖို့ပေးအပ်ပြီး လူကြီးကိုတော့ လယ်သမားနေရာ ပေးလိုက်သတဲ့။
ပုံပြင်လေးကတော့ ဒါပါပဲကွယ်။ သူငယ်ချင်းတို့လဲ ဒီပုံပြင်ထဲက မှတ်ယူစရာ တစ်စုံ တစ်ရာ တွေ့မြင်ကြ မယ်လို့ ယုံကြည်ပါတယ်။
လေးစားလျှက် ...
လွမ်းဆုလေး
0 comments:
Post a Comment