မြန်မာရွှေ့ပြောင်း လုပ်သားများသည့် စင်ကာပူနှင့် အရှေ့အလယ်ပိုင်းဒေသ ကူဝိတ်တို့တွင် အလုပ်သမား
သံအရာရှိ ထားရှိမည်
မြန်မာအလုပ်သမား အများအပြား သွားရောက် အလုပ်လုပ်ကိုင်နေသည့် စင်ကာပူနိုင်ငံ အပါအ၀င်
အရှေ့အလယ်ပိုင်း ဒေသဖြစ်သော ကူဝိတ်နိုင်ငံတို့တွင် အလုပ်သမား သံအရာရှိ ထားရှိသွားမည်
ဖြစ်ကြောင်း အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာန ပြည်ထောင်စုဝန်ကြီး
ဦးအေးမြင့်က ပြောကြားသည်။
ဒီဇင်ဘာ ၁၈ ရက်က နေပြည်တော်တွင် ပြုလုပ်သည့် ''အပြည်ပြည်ဆိုင်ရာ ရွှေ့ပြောင်း အလုပ်သမားနေ့''
အခမ်းအနားတွင် ပြည်ထောင်စုဝန်ကြီးမှ ယခုကဲ့သို့ ပြောကြားခဲ့ခြင်း ဖြစ်သည်။
အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာန အနေဖြင့် မြန်မာအလုပ်သမား အများဆုံး
သွားရောက် လုပ်ကိုင်သည့် ထိုင်းနိုင်ငံ၊ ကိုရီးယားနိုင်ငံ၊ မလေးရှား နိုင်ငံတို့တွင် အလုပ်သမားများ၏
အခွင့်အရေးများ ကာကွယ် စောင့်ရှောက်ရန်အတွက် အလုပ်သမား သံအရာရှိ (Labour Attache)
ထားရှိခဲ့ပြီ ဖြစ်ကြောင်း သိရသည်။
''ပြည်ပမှာ သွားရောက် အလုပ်လုပ်ကိုင်နေတဲ့ အလုပ်သမားတွေ အနေနဲ့ ပြဿနာ တစ်စုံတစ်ရာ
ဖြစ်ပွားခဲ့ရင် မြန်မာအလုပ် သမားတွေဘက်က ရပ်တည်ပေးနိုင်အောင်လို့ ဒီလို စီစဉ်ပေးတာပါ။
ပြီးတော့ မြန်မာနိုင်ငံကို ပြန်လာလိုတဲ့ အလုပ်သမား တွေကိုလည်း ကူညီပေးလို့ ရအောင်ပါ'' ဟု
အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာန ပြည်ထောင်စုဝန်ကြီး ဦးအေးမြင့်က
ပြောကြားသည်။
အရှေ့အလယ်ပိုင်း ဒေသတွင်း နိုင်ငံအချို့သို့ မြန်မာအလုပ်သမားများ တရားဝင် သွားရောက် လုပ်ကိုင်ခွင့်
မပြုထားသော်လည်း ကာတာ၊ ဒူဘိုင်းတို့ အပါအ၀င် အစ္စရေး၊ ဆော်ဒီ၊ ဂျော်ဒန်၊ ကူဝိတ် နိုင်ငံတို့တွင်
မြန်မာအလုပ်သမား အများအပြား ရောက်ရှိနေသည့် အတွက် ယခုကဲ့သို့ အလုပ်သမား
သံအရာရှိထားရန်
စီစဉ်ခြင်း ဖြစ်ကြောင်း သိရသည်။
လက်ရှိတွင် မြန်မာရွှေ့ပြောင်းလုပ်သား အနေဖြင့် ထိုင်း၊ မလေးရှား၊ စင်ကာပူနှင့် ယူအေအီး နိုင်ငံများ
အပါအ၀င် နိုင်ငံပေါင်း ၁၅ နိုင်ငံတွင် ပြောင်းရွှေ့လုပ်ကိုင် လျက်ရှိရာ ၁၉၉၀ ပြည့်နှစ်မှ ၂၀၁၃
နိုဝင်ဘာလအထိ ပြည်ပအလုပ်အကိုင် အေဂျင်စီများမှ တစ်ဆင့် တရားဝင် အလုပ်သမား စေလွှတ်သည့်
အလုပ်သမားဦးရေ ၁ ဒသမ ၈ သန်းကျော်ရှိပြီး တရားမ၀င် သွားရောက် လုပ်ကိုင်နေသည့်
အလုပ်သမားများလည်း အများအပြား ရှိနေကြောင်း သိရသည်။
0 comments:
Post a Comment